Monthly Archives: Fevral 2025

Sirdaryo arxitektura va qurilish texnikumida “Oʻzbekiston Respublikasi “Maʼmuriy islohotlar doirasida taʼlim sohasida davlat boshqaruvi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida”gi O’RQ-957 son Qonunining mazmun-mohiyati mavzusida tadbir tashkil etildi. 

Mazkur Qonun bilan bir qator qonun hujjatlariga O‘zbekiston Respublikasi Oliy ta’lim, fan va innovatsiyalar vazirligining, Maktabgacha va maktab ta’limi vazirligining, Sport vazirligining, Kambag‘allikni qisqartirish va bandlik vazirligining nomlanishi va vakolatlari, shuningdek Ilm-fanni moliyalashtirish va innovatsiyalarni qo‘llab-quvvatlash jamg‘armasining nomlanishi aniqlashtirilishini nazarda tutuvchi o‘zgartirishlar kiritilmoqda.

Tadbirda ushbu qonunning mazmun-mohiyati borasida tinglovchilarga ma’lumotlar berildi. Tadbirda ishtirok etgan professor-oʻqituvchilar va talabalar mavzu yuzasidan o‘zlarini qiziqtirgan savollarga javoblar olishdi.

Sirdaryo arxitektura va qurilish texnikumida Axborot-resurs markazi rahbari tashabbusi bilan “Kitob bilan hamnafas” marafoni doirasida navbatdagi kitob taqdimoti o‘tkazildi.

Tadbirda texnikum bo‘lim boshlig‘i Abdullayeva Dildora Og Mandinoning “Eng buyuk savdogar” nomli kitobini taqdim etdi. U mazkur asarning mazmun-mohiyati, inson hayotiga ta’siri hamda undagi asosiy g‘oyalar haqida so‘z yuritdi.

Taqdimotda texnikum xodimlari va o‘quvchilar ishtirok etib, kitob haqidagi ma’lumotlarni katta qiziqish bilan tinglashdi. Tadbir yakunida bunday ma’naviy-ma’rifiy uchrashuvlarni muntazam o‘tkazish rejalashtirildi.

Sirdaryo arxitektura va qurilish texnikumida kasbiy ta’lim tizimida innovatsion yondashuvlarni qo‘llab-quvvatlash va ularni amaliyotga tatbiq etish maqsadida kasbiy mahorat bellashuvi tashkil etildi. Ushbu tanlov elektromontaj, santexnika va elektrogazpayvandchi yo‘nalishlari bo‘yicha bo‘lib o‘tib, unda hududdagi 5 ta kasbiy ta’lim muassasasi vakillari o‘z bilim va ko‘nikmalarini namoyish etdilar.

Musobaqada Sirdaryo arxitektura va qurilish texnikumi, Mirzaobod tuman politexnikumi, Xovos tuman politexnikumi, Sardoba tuman politexnikumi hamda Guliston shahar ishga marxamat monomarkazlari ishtirok etdi. Tanlov davomida ishtirokchilar o‘z kasbiy mahoratlarini sinovdan o‘tkazib, real ish sharoitlariga yaqinlashtirilgan topshiriqlarni bajardilar.

Baholash jarayonida ishtirokchilarning aniq va sifatli ishlashi, xavfsizlik qoidalariga rioya qilishi, innovatsion yondashuvlarni tatbiq etish bo‘yicha bilim va ko‘nikmalari inobatga olindi.

Elektrogazpayvandchi yo‘nalishi bo‘yicha:

• 1-o‘rin – Sirdaryo arxitektura va qurilish texnikumi
• 2-o‘rin – Sardoba tuman politexnikumi
• 3-o‘rin – Xovos tuman 2-son politexnikumi

Santexnika yo‘nalishi bo‘yicha:

• 1-o‘rin – Monomarkaz
• 2-o‘rin – Sirdaryo arxitektura va qurilish texnikumi
• 3-o‘rin – Mirzaobod tuman politexnikumi

Elektromontaj yo‘nalishi bo‘yicha:

• 1-o‘rin – Sirdaryo arxitektura va qurilish texnikumi
• 2-o‘rin – Monomarkaz
• 3-o‘rin – Xovos tuman 2-son politexnikumi

Tanlov yakuniga ko‘ra, o‘z mutaxassisligi bo‘yicha eng yuqori natijani qayd etgan ishtirokchilar g‘olib deb topildi. Ular maxsus esdalik sovg‘alari va tashakkurnomalar bilan taqdirlanib, kasbiy rivojlanish uchun qo‘shimcha rag‘batlantirildi.

Tadbirning ahamiyati
Ushbu bellashuv kasbiy ta’lim muassasalarida o‘quvchilarning amaliy bilim va ko‘nikmalarini mustahkamlashga, zamonaviy ish bozorida talabgir mutaxassislarni tayyorlashga xizmat qiladi. Shuningdek, u kasbiy ta’limda raqobatbardoshlik va innovatsion yondashuvlarni rivojlantirishga turtki beradi.

2025-yil 18-fevral kuni Sirdaryo arxitektura va qurilish texnikumida ta’lim jarayonining samaradorligini oshirish maqsadida “Master-klass va ochiq darslar” tashkil etildi.

Tadbirda Guliston politexnikumi, Guliston agrotexnologiyalar texnikumi hamda Guliston Abu Ali ibn Sino nomidagi jamoat salomatligi texnikumi pedagogik jamoalari ishtirok etdilar.

Ochiq darslar davomida o‘qituvchilar tomonidan innovatsion pedagogik texnologiyalar qo‘llanilishi, o‘quvchilarning kasbiy ko‘nikmalarini shakllantirish, shuningdek, amaliy mashg‘ulotlarni samarali tashkil etish tajribasi namoyish etildi. Ishtirokchilar dars jarayonlarini kuzatish orqali ilg‘or tajribalar bilan tanishib, o‘zaro fikr va tajriba almashdilar.

Mazkur tadbir texnikumlar o‘rtasida hamkorlikni mustahkamlash, pedagoglarning malakasini oshirish hamda ta’lim sifatini yanada yaxshilashga xizmat qiladi.

Texnikumning maxsus fan o’qituvchisi Abdullayeva Dildora tomonidan «Biznes asoslari» fanidan tashkil etilgan ochiq darsda dars jarayonida yangi va noan’anaviy pedagogik metodlardan keng foydalanildi. Bu innovatsion yondashuvlar o’quvchilarning mavzuni yanada samarali va qiziqarli o’zlashtirishlariga katta yordam berdi. Darsning oxirida o’quvchilarga berilgan savollarga qaytarilgan javoblar ularning yangi bilimlarni yaxshi o’zlashtirganligini va mavzu bo’yicha chuqur tushuncha hosil qilganliklarini ko’rsatdi.

Shu bilan birga, bu metodlarning amaliy natijasi sifatida, o’quvchilar o’z bilimlarini real hayotdagi biznes rejalarini yaratish va amalga oshirishda muvaffaqiyatli qo’llay olishlarini isbotladilar.