Sirdaryo nasos stansiyalari va energetika boshqarmasi bilan dual ta’lim bo‘yicha hamkorlik yo‘lga qo‘yildi.

Sirdaryo arxitektura va qurilish texnikumi va Sirdaryo nasos stansiyalari va energetika boshqarmasi o‘rtasida «Nasos stansiyalari va nasos qurilmalari» kasbi bo‘yicha 27 nafar talabani dual ta’lim asosida o‘qitish bo‘yicha kelishuvga erishildi.

Mazkur hamkorlik natijasida talabalarga sohaga oid amaliy bilim va ko‘nikmalarni bevosita ishlab chiqarish jarayonida o‘zlashtirish imkoniyati yaratiladi. Bu esa ularning kasbiy mahoratini oshirishga va kelajakda ish bilan ta’minlanishiga mustahkam zamin yaratadi.

Sirdaryo arxitektura va qurilish texnikumi va Sirdaryo meliorativ ekspeditsiyasi o‘rtasida «dual ta’lim» bo‘yicha kelishuvga erishildi

Sirdaryo arxitektura va qurilish texnikumi va Sirdaryo irrigatsiya tizimlari havza boshqarmasi tasarrufidagi Sirdaryo meliorativ ekspeditsiyasi o‘rtasida «Sug‘oriladigan yerlar melioratsiyasi tizimlari» kasbi bo‘yicha dual ta’lim asosida 16 nafar o‘quvchini o‘qitish bo‘yicha kelishuvga erishildi.

Mazkur hamkorlik natijasida o‘quvchilar nazariy bilimlarini amaliyot bilan uyg‘unlashtirib, sohaga oid ko‘nikmalarni bevosita ishlab chiqarish jarayonida o‘zlashtirish imkoniyatiga ega bo‘ladilar. Bu esa malakali mutaxassislarni tayyorlashga xizmat qiladi.

Elektrogazpayvandlash yoʻnalishi tinglovchilari ishlab chiqarish amaliyotida

Sirdaryo arxitektura va qurilish texnikumi qoshidagi Malakali mutaxassislar tayyorlash markazida o‘quv markazining «Elektrogazpayvandlash» yo‘nalishida tahsil olayotgan 12-nafar tinglovchi «Sirdaryo Payvandchi» MChJ va «Sirdaryo Motor Serviss» MChJ korxonalarida ishlab chiqarish amaliyoti mashg‘ulotlarini olib bormoqda.

Amaliyot jarayonida tinglovchilar real ish sharoitida payvandlash texnologiyalarini o‘rganib, metall konstruksiyalarni biriktirish, xavfsizlik qoidalariga rioya qilish va zamonaviy payvandlash uskunalaridan foydalanish bo‘yicha tajriba orttirmoqdalar. Mazkur mashg‘ulotlar ularning kelgusida malakali mutaxassis bo‘lib yetishishiga xizmat qiladi.

Kitob bilan hamnafas – ma’rifat sari intilish

Kitob inson tafakkurini boyituvchi, ma’naviyatini yuksaltiruvchi eng muhim manbalardan biridir. Shu ma’noda, Sirdaryo arxitektura va qurilish texnikumida yoshlarning kitobga bo‘lgan qiziqishini oshirish va mutolaaga rag‘batlantirish maqsadida “Kitob bilan hamnafas” nomli marafon tashkil etildi.

Mazkur tadbir doirasida “Buxgalteriya hisobi va audit” yo‘nalishining 2-kurs talabasi Sulaymonqulov Shohjahon mashhur “15 yoshli kapitan” kitobi taqdimotini o‘tkazdi. Ushbu taqdimot orqali ishtirokchilarga kitobning mazmuni va uning ta’limiy ahamiyati haqida batafsil ma’lumot berildi.

Tadbir yakunida faol qatnashchilar rag‘batlantirildi hamda kitobxonlikni yanada rivojlantirish bo‘yicha yangi tashabbuslar ilgari surildi. “Kitob bilan hamnafas” marafoni texnikumdagi bilimga chanqoq yoshlarni birlashtirib, ularning ma’naviy kamolotiga munosib hissa qo‘shgan muhim tadbirlardan biriga aylandi.